පලා බබාගේ නැලවිලි ගීතය...............

ගිනි මද්දහනේ ලයිට් දමාගෙන

අත දමාගෙන කෑ ගසාගෙන

රථ පිරිවරින් ගිය ප්‍රභූ පියාගේ

පුතාටත් ඒ මගම යන්නට

ගහමු අපි කතිරය තවත් පාරක්...................

වැව්තාවුල්ලේ හෝටල් සාදා

වතුර බස්සවා වගා පාළු කොට

අපි පාරට බස්සපු ඒ තුමාගේ

සහෝදරයාට කතිරය ගහමු යලිත්

යන්නට මැති සබයට............

ලෝක බැංකුවෙන් ආසියා බැංකුවෙන්

ණය අරගන්නට ජොගි නටන්නට

අපිත් අපේ හත්මුතු පරම්පරාවත්

ණයකාරයන් කරපු එතුමාගේ බිරිදටත්

ඒ මග යන්නට ගහමු අපි කතිරය තවත් පාරක්...................

කුඩා දැරියන් බිල්ලට ගත්

ගමපුරා වයින් ස්ටොර්ස් ඇරිය

වන සෙන්සුනේ ගස් කැපු,පිලිම කැඩු

ඒ ප්‍රාදේශීය නායක තුමා

කරමු අපි කතිරය ගසා පලා බබෙක්ව

උන්ට ජය වෙවා !

අපිට මොනවා උනත්............