මගේ කව ඔබේ යැයි
ඔබ කියන හින්දා ම
සැබෑ දැයි ඒ වදන්
විමසුවා මගෙන් මම...
කැකුළු තූරුණු සුවඳ පතා
සිටවූ මල් පැළය පුරා
පිපි මල් වල සුවඳ ඔබෙද?
හිමිකරුවා ගස නොවේද?....
පීරා ගොස් සමුදුරු ගැබ
උදුරා ගත් මුතු අහුරක
අයිතිය ඔබ හට තිබේ ද?
මුතු බෙල්ලන් සතු නොවේ ද?......
සිත් පත්ලෙ ආදරෙන්
රැක ගත්ත සෙනෙහසින්
ලියූ කව මගේ මිස
ඔබෙ නොවේ කිසිකලෙක.....
නි ර් මා ණ අ යි ති ය
----මා ලා මං ග ලි කා-----
අහඹු ලෙසින්
කුවෙර වෙසින්
අතීතයෙන් එළියට පැන...
මහ වියතුන්
පොතේ ගුරුන්
අතර සමව
වැජඹී ගෙන...
උමතු වෙසින්
යස ඉසුරින්
රූ සිත්තම්
මවාපාන
බාලවියේ
සොඳුරු මතක
අතහැර ගිය
සබඳාණන......
වැලි කෙළියේ
සිහින අතර
සොඳුරු සුවඳ
තවරා ගෙන
කෝටු කකුල්
දත් අඩු කට
මතකයෙ ඇත
අඩු නැතුවම....
කොට කලිසම
පටි සපත්තු
දැනේ අදත්
ඊයේ මෙන
නුඹ පෙන්වන
ඉසුරු සිහින
නොපෙනේ මට
කිසි ලෙසකින.....
පැතූ සිහින
නුඹ ජයගෙන
ජයඝෝෂා
නංවන දින
නෑසූ ලෙස
මං ඉන්නම්
සොඳුරු මතක
සිහියට ගෙන......
නි ර් මා ණ අ යි ති ය
----මා ලා මං ග ලි කා-----
 |
