සමරනායක දොස්තර මහත්තයා
චැනල් වලමයි ඉන්නෙ ටවුමෙ තියන
හැම වෙලාවෙම
ඉස්පිරිතාලෙ නැතිනිසා
අපි යන්නෙ චැනල්වලටමයි
ඒක ප්‍රයිවට් ප්‍රැක්ටිස්
කිසි ප්‍රශ්නයක් නැහැ................
විද්‍යාව උගන්වන අරියරත්න මහත්තයා
උගන්වන වෙලාවෙ පාසලෙත් නැහැ
හන්දියෙ මඩුවෙ උගන්වනවා
යන්නෙ හයිබ්‍රිඩ් එකකින්
නෝපේත් ගිහින් අධ්‍යක්ෂ වුනා
ඒක ප්‍රයිවට් ප්‍රැක්ටිස්
කිසි ප්‍රශ්නයක් නැහැ................
M.L.T.සුමනසිරි උදේට එකතුකරපු
ලේ සාම්පල් ටික ඉස්පිරිතාලෙන් කරලා
හවසට රිපොට් දෙනවා
එනකොට හොරෙන් රිජන්ට් හෙමත් ගේනවා
බැලු වෙලවක් ඇත්නම්
හන්දියෙ ලැබ් එකේ
ඒකත් ප්‍රයිවට් ප්‍රැක්ටිස්
කිසි ප්‍රශ්නයක් නැහැ................
ඉතිo අනේ
පොලොසියෙ ලොක්කෙක් වෙච්ච
වාස් මහත්තයා ප්‍රයිවට් ප්‍රැක්ටිස් නිසා
මහ උලු ගෙදර ගියා
එතන නම් ප්‍රශ්නයක්............
