හීන මතකය

පොල් අතු හෙවිලි කල
මැටි වරිච්චි බිත්ති වටකල
කලුවර කුස්සියේ දොරින් විත්
අඩි තුන හතරක් උස මම තරම්
මගේ පස්වැනි වියේ............
නලලට මුවතියා
උනුසුම්ව හාදු දුන්
වැන්ද විට හිස අත ගා 
හැබිලියෙන් ගෙන රුපියලක් ...........
අගයක් නොදත් මාගේ
අත මිට මෙලවු
මම මගේ අම්මාට තරම්
මගේ අම්මා ආදරය කල
ඡායා රූපයක් නැති මරන දැන්වීමේ
"පන්සල කුට්ටියේ විසූ සිරිවර්ධන හින්නි හාමිනේ"
උපාසිකා මාතාව  යැයි ලියූ
හිනයක් වගේ මතක
ආදරනීය ආත්තම්මා...................