ඇසෙන විට නිල් දියවරේ හඩ

 

ඇසෙන විට නිල් දියවරේ හඩ 

මතකයට එනවාද ඒ දින 

ටයිටැනික් ගීතයේ සත්සර 

අපේ ප්‍රේමය සුවද නේ මද ....................

තුරුණු සර රුහුනෙන්ම කියවුන

ඔබට ලියවුන මගේ කවි පද 

නුබත් නොපෙනී ගියා දිනයක 

මමත් ඒ කවි ලියමි අද දින ...................

ඇසෙන විට නිල් දියවරේ හඩ..................

ගෙවී ගොස් විසි වසක් පසුවද 

මතකයට ඇත සිතේ කෙලවර 

අදත් යන එන මගදී හමුවන 

නෙත් තුලින් සොයනෙමිය ඒ නෙත .............

ඇසෙන විට නිල් දියවරේ හඩ..................

මගේ මතකය තාරාවෝ ඉගිලෙති සමග

 

1987 එක්තාරා සෙනසුරාදා දිනයක  අපේ නිවසට පැමිණියේ අපේ හිතවත් අය්යාකෙනෙක් (පිටබැද්දර ප්‍රදේශයේ )මට ඔහු ගැන දැන් හරි මතකයක් නැත ,ඔහු 70 දශකයේ අග අප නිවසේ සිට අපේ ගමේ ගැරේජ් එකෙක පුහුණුවට ගියා යයි අම්මා කියා ඇත .මම ඔහු සොයමි .ඔහු කවරෙක් වුවත් ඉතා උසස් රසිකතත්වයක් හිමි අයෙකි එය ඉතා වටිනා ලක්ෂණයකි .මම එයට ගරු කරමි ,ඔහු මා සමග මාතර රාහුල රගහළේ පැවැත්වෙන එක්තරා නාට්‍යක් බැලීමට මා රැගෙන ගියේය .මා උතුම් රසිකත්වයට තල්ලු කර දැමු ඒ සොහොයුරාට මම හිස නමා අචාර කරමි .

එදා තාරාවෝ ඉගිලෙති නාට්‍ය මා දුටුවෙමි ,

අධ්‍යක්‍ෂණය-ලූෂන් බුලත්සිංහල සංගීතය -ගුණදාස කපුගේ

පලමු වතාවේ සිටි රංගන ශිල්පීන්

විජය නන්දසිරි

රොඩ්නි වර්ණකුල

ජැක්සන් ඇන්තනි

ජයලත් මනෝරත්න

මර්සි එදිරිසිංහ

අනුලා බුලත්සිංහල

ගාමිණී සමරකෝන්

යූ.ආරියවිමල්

නීල් අලස්

අද 2026 පෙබරවාරි 27 වෙනිදා හෝමාගම  මොරටුව විශ්ව විද්‍යාලිය ආදී අපේ සුන්දර සහෘදයින්ගේ  සංවිධනයෙන් අපේ සොයුරු නිශ්නත්න විකමසිංහ සොහොයුරාගේ ආදරණිය ආරාධනයෙන් අපි එය නැවත බලා රස වින්දෙමු .ඔබ සැමට ස්තුතියි ! 

වර්තමානයේ රංගනයේ යෙදෙන රංගන ශිල්පීන්

තිලාන් වර්නජිත්

මහේෂ් උයන්වත්ත

ලසදුනි ජයවර්ධන

ඉන්දික ජයසිංහ

පර්නී රෝෂිනී

අනුර බන්ඩාර රාජගුරු

සමිත සුගීස්වර

ඇත්තටම එහි කතාව කුමක්ද ?

📜 එදා (1970 දශකය)

• 🇱🇰 නව රංග ශෛලියක් හඳුන්වාදුන් නාට්‍යයකි.

• සමාජයේ මධ්‍යම පන්තියේ ජීවිත අර්බුද පෙන්වයි.

• බලාපොරොත්තු, ආදරය, වංචාව, හා අසාර්ථක සිහින ප්‍රධාන තේමා වේ.

• “තාරාවෝ” (පක්ෂීන්) යනු නිදහස හා ඉහළ යාමට ඇති ආසාව සංකේත කරයි.

• වේදිකා සැරසිලි සරල වුවද සංවාද බරපතල හා තාත්වික විය.

👉 එදා මේ නාට්‍යය නව යුගයක ආරම්භයක් ලෙස සලකනු ලැබීය.

1️⃣ ප්‍රධාන පුරුෂ චරිතය

ලක්ෂණ:

• සිහින බලාපොරොත්තු ඇතිව ජීවිතය ඉහළට ගෙනයාමට කැමති පුද්ගලයෙක්

• මධ්‍යම පන්තියේ සීමාවන් අතර හිරවෙලා ඉන්නවා

• ආදරය, මුදල්, සමාජ ගෞරවය අතර ගැටුමක්

විශ්ලේෂණය:
මෙම චරිතය “තාරාවා” ලෙස සංකේත වේ.
ඉගිලෙන්න උත්සාහ කරන නමුත් සමාජය හා යථාර්ථය නිසා බිඳ වැටෙන මිනිසා නිරූපණය කරයි

2️⃣ ප්‍රධාන ස්ත්‍රී චරිතය

ලක්ෂණ:

• ආදරය හා ආරක්ෂාව බලාපොරොත්තු වෙනවා

• ආර්ථික ස්ථාවරභාවය ගැන සැලකිලිමත්

• හැඟීම් හා ප්‍රායෝගික චින්තනය අතර ගැටුමක්

විශ්ලේෂණය:
ඇය සමාජ යථාර්ථය නියෝජනය කරයි.
සිහිනවලට වඩා ජීවිතයේ ආරක්ෂාව වැදගත් බව පෙන්වයි.

---

3️⃣ සහාය චරිත

• සමාජය නියෝජනය කරන පුද්ගලයින්

• වංචාකාර, අභිලාෂාකාර, හෝ අවස්ථාවාදී චරිත

• ප්‍රධාන චරිතයේ බිඳ වැටීම වැඩි කරන බලවේග

විශ්ලේෂණය:
මෙම චරිත මඟින් සමාජයේ පීඩනය, අසමානතාව හා වංචාව ඉස්මතු කරයි.

---

🎯 සමස්ත අදහස

සියලු චරිත එකට ගත් විට,
👉 මනුෂ්‍යයාගේ සිහින සහ සමාජ සීමා අතර ගැටුම නාට්‍යයේ මූලික තේමාවයි.
👉 “තාරාවෝ ඉගිලෙති” කියන නාමයම, ඉහළට යාමට උත්සාහ කරන නමුත් බොහෝවිට වැටෙන ජීවිතය සංකේත කරයි.

 

තරු එලිය

 ලොවම නිදනා සොදුරු යාමේ 

කළු වලාකුල් නොමැති අබරේ 

එකම එක තනි තාරක්වක් 

මග කියන්නට පෙරට ආවේ .............

මග අසාගෙන පුංචි තරුවෙන් 

ගෙවා ගිය කල දුර ගමන් 

නොදැනීම හිරු නැගී ආවා 

තරුව නොපෙනී ගියේ සැනින් .....

අතොරක් දුක් ගැහැට විදින්ට 

සිදු වුනා හිරු සැඩ කමින් 

නිහඩ සමයක පෙනුන  තරුවක 

අරුත හැදිනෙමි මම ඉතිං .............

ඒ ආදරේ සුන්දරත්වය

 

මම දැක්කා ඒ දෙන්නගේ ආදරය 7 වසරේදී ඒ දෙන්නා උසස්පෙළ ගණිතය කලේ ,ඒ ආදරේ සුන්දරත්වයට 7 වසරේ පුංචි මම ආශිර්වාද කළා ඉත සිතින් මගේ යටි සිතින් .11 වසරේදී ඔයාලා දෙන්නගේ කතාව මම ඇහුව්වා , රුපවාහියෙන් දුටුවා ,කරුණාසේන ජයලත් ඔය දෙන්නා එකතු කරලා වෙන් කරලා ලොකු ආන්දෝලනයක් ඇති කළා ,එක සුන්දර විරහවක් වුනා .මට සුගත් වෙන්න වත් ,දම්මි කෙනෙක් වත් හමුවුනේ නැහැ ,ඉස්කෝලෙදි ,මොකක්දෝ පුංචි බයක් තිබුනා මටත් එක තෙරුන් ගන්න බැරි වුනා එදා ,උසස්පෙළ පන්තියේදී අර 7 වසරේදී දැකපු දෙන්නා වෙන් වෙලා ගියාලු ,ඒ එක්කෙනෙක් අනිත් කෙනාගේ නම කව්කට්ටෙන්  කොටලා තිබුන පොතක් මට යාලුවෙක් පෙන්නුවා .එක මට ලොකු කම්පනයක් ඇති කළා .මට වුනේ නැති වුනත් වුනා වගේ ,ඉස්කෝලේ දෙන්නයි ගොළු හදවතේ ඔය දෙන්නයි මම සමානකම්  හෙව්වා සුගත් හා ඉස්කෝලේ අය්යයි  දෙන්නම එකම ලක්ෂණ තිබුනා .පෙනුම් පොඩ්ඩක් වෙනස් හැසිරීම එක වගෙයි ,දම්මි නම් ඉස්කෝලේ එක්කෙනා කොන්ඩේ කොට්ට කපලා හිටියා මුහුණේ පිම්පල් නිසා රතු වෙලා දෙන්නම සුදුයි ලස්සනයි .ඔහොම කාලයා ගෙවිලා ගියා ,

කොහොම හරි දම්මි හමු වුනා ,ඒ කැම්පස් එකේදී 

එක සුන්දරයි . එක කියන්නම් පද කීපයකින් 

දයාබර දම්මි,

ඉස්කෝලේ ගිය දහතුන් අවුරුද්දට

හමුවුනේ නැහැ......

කැම්පස් එකේ හතර අවුරුද්දේ

අහලකටවත් ආවේ නැති ඔයා

ෆයිනල් එග්සෑම් එකෙන්පස්සේ

මම දැක්කා

බිව්වේ නැතුවම් මම

හිත හදාගෙන දැන් ගොඩක් කල් ගිහින්

මං තරහ නැහැ

මිට......

සුගත් 

ඉසුරුමුනියේ පෙම් යුවල නම්

ඉසුරුමුනියේ පෙම් යුවල නම්

වෙන් වෙන්න පෙර ගල් වුනා

පුරා දහතුන් වසක් සිටි නුබ

නොකියාම යන්නට ගියා …………………

 

නුබද මට දුන් මා නුබට දුන්

ප්‍රේමයක්  ශේශව  ගියා

නොරත රත යා දෙකම බොද වි

වෙන් වෙලා මැකිලා ගියා …………….

 

සොබා දහමට මිනිස් වගයට

මුහුන දෙන්නට බැරි වුනා

අපි අපෙ නොව තනි චරිත වි

කොහෙදො ඈතක ගියා ………………..

සිව් වසරක් තුල පෙම් සිහිවටනය

සිව් වසරක් තුල පෙම් සිහිවටනය 

නෙතු සතුටක් වේවා 

මින් මතු කිසිදා ලබන සැදාවක 

අප නෙතු හමු වේවා !

සුදර්ශි පියසේ chemistry යායේ 

රාහුල පාරේ තුරු සෙවනැල්ලේ

නිහඩව වැලපෙන මගේ පෙම් සටහන් 

මගේ සිතින් යලි මැකී නොයාවි ................

නැවතත් හමු වෙමු පෙර දෙන්නා සේ 

මින් මතු දිනයක අප දෙදෙනා ..........

කුණු ඇල පාරේ ගුරු කුල අයිනේ 

නුපේ හන්දියේ පොලිසිය පාරේ 

අදත් දකින විට මතුවන හැගුමන් 

දෙසිතක සැගවී  මැකී නොයාවි 

නැවතත් හමු වෙමු පෙර දෙන්නා සේ 

මින් මතු දිනයක අප දෙදෙනා ..........

අම්මා

                             

                              

පුතේ උඹ මට රජෙක් කී  යැයි.

අම්මගේ හඬ ඇසෙනවා.

අම්මා දුන් රජ කිරුල ඔලුවේ.

දිලිසෙමින් හිත හඬනවා........

රජ කරන්නට දිරි දෙමින් මට.

අම්ම ගත් දිරි දැනෙනවා.

මගේ අම්මට හැමදාම මම.

 බුදුන්  වෙන්නට පතනවා...........

කාලයෙන් ආපස්ස වෙත ගොස්.

තුරුලු වෙන්නට හිතෙනවා.

එදා මගේ දුක් කඳුළු පිස දෑ.

අම්මා කොහේ දැයි සොයනවා......... 

කිසිත් නොමැතිව ලොවේ කොතැනක.

තනිකමක් මට දැනෙනවා. 

අනේ අම්මේ ඒ කතාබහ.

හීනෙනුත් මට ඇසෙනවා............

~~ නූතන සත්ති කුම්භ දා වත ~~

 එකම කඳවුරේ ඉඳිමින් 

අවි පුහුණුව ලබා එකට

හොදම වෙඩික්කරුවන් වී 

මුල් ඇගයුම ලබා සමව

තරු පටි වල අණ පිළිපැද 

ගාමිණී ආවා උතුරට 

කටු දෙණිවල වන බිම්වල 

රැක සිටියා රුපු ගිනිභට

ගරු මැතිඳගෙ ඔෆර් එකට 

අමරේ ආවා දකුණට 

කාර් බාර් මන්දිරවල 

රැක සිටියා කය ඍජු කොට

අලිමංකඩ කදවුර බිඳ 

පර සතුරා නැගි හෙනකඳ 

එනු වලකා එඩි පෑ සඳ 

හෙළ දෙරණට විය සකි සද

ගරු මැතිඳා පවරපු වැඩ 

මිලි නමයට පිහි තුඩකට 

ඉටු කෙරුවා කෙස් ගහටම 

සිඹ පාතාලයේ පතුලම

සීල් තියපු දෙන කරමත 

සිංහ කොඩිය ඇත ඒ මත 

ගාමිණි නිහඬයි හිතවත 

වෙඩිමුර හඬවයි හදවත

තවත් බොහෝ රහස් අතර 

සැඟ වූ අවි එයි මුලටම 

අමරෙ නිහඬ නොකලානම් 

කැළඹෙයි පරසක්වලක්ම

විරුවන් නරුමයන් අතර 

තරණය වන සහසක් සිත් 

එකට ගැටී අකුණු වැදී 

මල හිරු වැටුණා මුහුදට 

ගිගුම් හඬට මුහුණ නොදී 

සැඟව ගියා අටවක සඳ

එකම අහස ඉහළ ඉඳන් 

මේ හැම සන්තෑසියක්ම

නොදුටුව සේ ඉන්නා සැටි

සැගවිය හැක දැන් කදිමට

නිර්මාණ අයිතිය 

~~සේනක පල්ලියගුරුගේ~~

මටත් තිබුනා ප්‍රේමයක්

එහෙම දිනයක් අසාවත් නැති 

හැමදාම ආදරෙන් සිටි අපි 

කිසිදු අහිතක් තුන් හිතක නැති 

අපේ ප්‍රේමය සොදුරු වෙන්නැති .........

වියෝගය ගැන අසා නැතිදා 

දැනුම පත් ඉරු තුලම රන්දා 

කෙලි කවට සිනහාම  රන්දා 

නික්මෙතැයි තුන් හිත නොරන්දා 

අමාවක කළුවර උදාවී 

එකදු තරුවක් මග නෙපෙන්වී 

සියලු පැතුමන් ගියත් පාවී 

තවම සිත ඇත නුබට යාවි .......

තනිකම තවම තියෙනව

 පුරා විසි වසරක් ගෙවී ගොස් 

දුටුව නාවල හන්දියේ 

අපි තැබිලි බී පවස  නිමවූ 

සිසිල දුන් කොට්ටම්බ ගසේ .............

හිතා ගන්නට බැරි තරම් උස 

ඉහළ ගොස් ඇත කද ගසේ 

සිතේ තනිකම තවම තියෙනව 

ගසේ උසට්ම රිසි ලෙසේ........

සිනා කෙලි කවටින් පිරි ගිය

සොදුරු සැගවුන ඒ යුගේ 

ජිවිතේ යලි එන්නේ නැති බව 

දන්නේ අපි දෙන්නාම නේ ............

නොදකින මට

 නොතේරේ තවම මට 

ආදරයේ සොඳුරු හැගුම්

ඔබෙ දෑසින් ගලා හැලේ....

සිත කළඹන වදන් වැලක්

සවන් පුරා නිතර ඇදේ...

නොපෙනෙන හෙට

නොදකින මට

සොඳුරු ලොවක

දසුන් මැවේ...

ඔබ මගෙ යැයි

මා ඔබෙ යැයි

නිතරම ඔබ

කියනු ඇසේ....

දෑස වසා එබෙන කලට

පැනයක් මා

සිතට නැගේ....

සැබවින් ඔබ

සිත පත්ලේ

මා වෙනුවෙන්

ඉඩ තිබේ ද?...

සඳ එළියට

මංමත් වූ

කණමැදිරියා

මා නොවේ ද?

නි ර් මා ණ  අ  යි ති ය

----මා ලා  මං ග ලි කා-----

අයිතිය ඔබ හට තිබේ ද?

 

මගේ කව ඔබේ යැයි

ඔබ කියන හින්දා ම

සැබෑ දැයි ඒ වදන්

විමසුවා මගෙන් මම...

කැකුළු තූරුණු සුවඳ පතා

සිටවූ මල් පැළය පුරා

පිපි මල් වල සුවඳ ඔබෙද?

හිමිකරුවා ගස නොවේද?....

පීරා ගොස් සමුදුරු ගැබ

උදුරා ගත් මුතු අහුරක

අයිතිය ඔබ හට තිබේ ද?

මුතු බෙල්ලන් සතු නොවේ ද?......

සිත් පත්ලෙ ආදරෙන්

රැක ගත්ත සෙනෙහසින්

ලියූ කව මගේ මිස

ඔබෙ නොවේ කිසිකලෙක.....

නි ර් මා ණ  අ  යි ති ය

----මා ලා  මං ග ලි කා----- 

 හරි පුදුමයි අවුරුදු 27 ගිහිල්ලත් උන් එකතු වුනා එක දවසක සතුටු කදුළු මැද හිනැහෙන්නට එක්ව කතා කරන්නට ඒ අතීතය ගැන ,ආර්දනියයි ඒ හමුවීම .

2022  නොවම්බර් මාසේ 7වෙනිදා  

බාලවියේ සොඳුරු මතක

 

අහඹු ලෙසින්

කුවෙර වෙසින්

අතීතයෙන් එළියට පැන...

මහ වියතුන්

පොතේ ගුරුන්

අතර සමව

වැජඹී ගෙන...

උමතු වෙසින්

යස ඉසුරින්

රූ සිත්තම්

මවාපාන

බාලවියේ

සොඳුරු මතක

අතහැර ගිය

සබඳාණන......

වැලි කෙළියේ

සිහින අතර

සොඳුරු සුවඳ

තවරා ගෙන

කෝටු කකුල්

දත් අඩු කට

මතකයෙ ඇත

අඩු නැතුවම....

කොට කලිසම

පටි සපත්තු

දැනේ අදත්

ඊයේ මෙන

නුඹ පෙන්වන

ඉසුරු සිහින

නොපෙනේ මට

කිසි ලෙසකින.....

පැතූ සිහින

නුඹ ජයගෙන

ජයඝෝෂා

නංවන දින

නෑසූ ලෙස

මං ඉන්නම්

සොඳුරු මතක

සිහියට ගෙන......

නි ර් මා ණ  අ  යි ති ය

----මා ලා  මං ග ලි කා----- 

සදාතනික ප්‍රේමය

සදාතනික ප්‍රේමය ඔබ

සිහිනෙන් ගෑ සුවඳක් ඔබ

සිතුවිල්ලෙන් වෙලුණු සිතට

සැහැසි ලෙසින් එබෙන සබඳ,

සිහින ලොවේ සොඳුරු මතක

මහ පොළොවේ නැත කිසි කළ

මහ පොළොවේ සැබෑ රූප

සොඳුරු නොවේ සිහින අතර.

මතක සිහින තුළ වැජඹෙන

සොඳුරු සුවඳ සැමදාක ම

වදනින් ගිලිහෙන්න නොදී 

සිත පත්ලේ සුරකිමි මම

                                        

  නි ර් මා ණ  අ  යි ති ය

 ----මා ලා  මං ග ලි කා----- 

 

 සිප් අකුරු  ඇහිද  මනකල් 
දුක් කදුළු බෙදා ගනිමින් 
ගිය වසන්තයක අභිමන් 
නුබ හටත් මතක ඇති මං ..........
තප්පර පැය සති ගණනක් 
අද ගෙවී ගොසින් දිගු කල් 
හිස කෙස් සගවනු නොම කල් 
මතකය තවමත් මනකල් ...................
මා තොට යන එන අතොරක් 
ඒ වත දැකුමට සිත ඇත් 
ආදරයයි ඒ බලවත් 
සිත තුල පවතී තවමත් ..........

ඉස්සර බැදී පෙම

රුපියල්  දෙකේ කාසි ගොඩක් ගෙන දෝතින්

ඉස්පිරිතාලේ බොක්ස් පෝලිම ලග සිටිමින්  

පෝලිමේ ඉදන් අමතා ඔබ වෙත සතුටින් 

රැක ගත්  මගේ ප්‍රේමය අද කොහෙද ඉතිං ....

වටස් ඇප් ටච් පොන් නොතිබුනඒකාලේ 

                                         බයිසිකලෙන් මා ඔබ සෙව්වා  රිසි සේ 

සුන්දර හැගුම් මතකයි මට පෙර දවසේ 

නුබටත් මතක ඇති යයි සිතුනා මෙලෙසේ ......

ලියුමක් ලියා පොත ඇතුලේ දමා ගෙන 

                                       හදවත ආදරෙන් පුරවා බලාගෙන 

නුබ දුන් පිළිතුරට මම හිත හදා ගෙන 

මගේ ආදරේ කොහි ඉගිලී ගියේ අද ........

.

කොහේ විසිරි ගියේද ප්‍රේමය

 හිතක් පිරුනා ප්‍රේමයෙන් 

අකුරු කල පින් බිමක සුපිපුණ 

විදුලි පරිපථ තුල ගලා ගිය  

ඇදපු සිතුවම් වලම බොද වුන 

නුබට මට අමතකම  නොම වෙන ........

සිත් තුලින් අප දෙදෙන හැදුනුව 
කිසි දිනක වෙන් නොවන බව සිතු 
නුබට පමණක් හදේ ලියවුන 
කොහේ වියැකී ගියේ ඒ පෙම ......

සතුට සමගින් සිව්  වසක් තුල
එකට සිට ගත් දැනුම සමගින 
සිහිනයක් ලෙස සිත ඉතිරි කල 

කොහේ විසිරි ගියේද ප්‍රේමය ..........